Share the post "Ma Dhabaa in UAE ay Baarayaan 7-Shirkadood oo Khalkhalka ku haya Amniga Sudan.."
Kadib markii Dalka Sudan iyo Dalal kale ay Dacwado xasuuq iyo Khalkhal gelin Amniga Dalka Sudan oo dagaalo lagu hoobtay ka socdaan lagu eedeeyay iney Maalgeliyaan Hogaanka Dalka UAE kooxda RSF (Rapid Support Forces), Dowlada USA ay xayiraado saartay ayeey Dowlada UAE sheegtay iney baaritaano ku bilaabeen Shirkado maalgeliya Kooxdaasi..
Bayaan ay soo saartay Jimcihii, Wasaaradda Caddaaladda ee Imaaraadka Carabta ayaa lagu sheegay in toddobada shirkadood ee gaarka ah ee ay bartilmaameedsadeen cunaqabateynta Mareykanka ee xiriirka la leh RSF aysan ku haysan shati ganacsi oo sax ah Imaaraadka, Wasaaraddu waxay xaqiijisay in baaritaan lagu sameynayo howlahooda iyo dadka xiriirka la leh uu socdo.
Bishii January ayeey Mareykanka Xayiraado ku soo rogeen Horjoogaha Maleeshiyaadka RSF Maxamed Hamdan Daglo “ Hemeti” & 7-da Shirkadood, iyadoo lagu Ninkaan iyo 7-da Shirkadood lagu eedeeyay iney khatar ku yihiin Amaanka USA, Waaxda Maaliyadda ee USA ayaa hore u aqoonsatay Capital Tap Holding, oo uu leeyahay Muwaadin u dhashay Sudan Abu Dhar Abdel Nabi Xabiballah oo maamula 50 shirkadood oo 10 Wadan ah, inay tahay qayb muhiim ah oo cunaqabatayn saaran.
Shirkadaha kale ee la cunaqabateeyey waxaa ka mid ah Capital Tap General Trading, Al-Zumurrud wa Al-Yaqut ee Dahabka iyo Jewelry, Creative Python, Al-Jil Al-Qadem (Jiilka soo socda), Horizon Solutions, iyo Capital Tap Management, Shirkadahaan ayaa Diyaarado Xamuul oo UAE & Russia ay leeyihiin Hub iyo Saanad Militeri ka soo daabula Dalka UAE, iyadoo Transit ahaan loo si qarsoodi ah loo marsiiyo garoonada Diyaaradaha Berbera iyo Boosaaso ee Somalia.
