Share the post "Shil 2-Diyaaradood Oo ka Dhacay Dalka Mareykanka iyo Khasaare ka Dhashay…"
Faahfaahino hordhac ah ayaa laga helayaa Shil Diyaaradeed oo ka dhacay Garoonka Diyaaradaha ee Ronald Reagan oo u dhow Washington, waxaana la bilaabay gurmad iyo hawlgal ballaaran oo baadi goob ah lagu sameeyo webiga Potomac ee u dhow. Waxaa jiray dhimasho badan..
Wararka hordhaca ah ayaa sheegaya in Shilkaan diyaaradeed oo ay isku dhaceen Diyaarad kuwa Rakaabka oo siday 60-Qof iyo Diyaarad kuwa qumaatiga u kaca oo Ciidamada USA ay iska leeyihiin, iyadoo tirada saxda ah ee dhibanayaasha ayaan la ogeyn, waxaana ku baxay shaqaalaha samatabixinta si ay u helaan haddii ay jiraan Dad ka badbaaday Shilkaasi.
Diyaarad nooca Qumaatiga u kacday ee Ciidamada oo la xaqiijiyay iney saarnaayeen 3-Qof oo Ciidamada ka tirsan ayaa shilkaasi ku kacday Diyaarad Rakaab ah, Ilaa hadda ma jiro wax war ah oo ka soo baxay sababta keentay shilkan diyaaradeed, hase yeeshee waxa hakad ku jira dhamaan duulimaadyadii soo degista iyo Duulista ee garoonkaasi, iyadoo kooxaha quusa ee Ciidamada ay si weyn ugu howlan yihiin goobta uu shilku ka dhacay, isla markaana ay diyaarado Helicopter ah oo ka socday Hay’adaha amaanka iyo kuwa Shilalka Diyaaradaha ee gobolkaasi ay bilaabay n baarista sababta keentay Shilka isku dhaca Diyaarada iyo Helicopter-ka.
