Share the post "Shirkada Poly GCL oo dib u heshay Qandaraaska Baarista Gaaska dabiiciga ah ee Degaanka Soomaalida…"
Dowladda Ethiopia ayaa ka laabatay go’aankeedii ahaa in Shirkad China laga leeyahay oo caalami ah oo ay kaga xayuubisay Qandaraaskii Baarista Gaaska dabiiciga ah ee Degaanada Somalida Ethiopia ku dhawaad labo sano kadib markii uu ruqsadda kala noqday Takele Uma, Wasiirkii hore ee Macdanta, dib u dhac ku yimid wax soo saarka…
Shirkadda Poly GCL, oo ay iska kaashadeen Shirkadda Chinese Poly Group Corporation iyo Hong Kong’s Golden Concord Group, ayaa markii ugu horreysay la siiyay ogolaanshaha sahminta iyo soo saarista Gaaska dabiiciga ah ee Degaanka Soomaalida ee Ethiopia 2013-kii, Inkastoo ay howlo sahamin iyo tijaabin ah ka fulisay Degaanada Calub iyo Hilala, shirkaddu waxay ku guuldareysatay inay bilawdo soo saarista gaaska dabiiciga ah ka hor 2017 sida ku cad heshiiskii ugu horeeyay ee ay la gashay Dowlada.
Sanadkii 2022-kii, Netherland, Sewell & Associates, oo ah shirkad Maraykan ah oo ku takhasustay baarista khayraadka Shidaalka, ayaa shahaado ugu xaqiijisay Dalka Ethiopia inay haysato 7-Trillion cubic barmiil oo Gaaska dabiiciga ah gudaha Gobolada Kilinka 5-aad ee Ethiopia, Dowladu waxey dadaal ugu jirtaa soi saarista Gaaska dabiiciga ah iyo bacriminta. Poly GCL waxay doonaysaa gaaska dabiiciga ah ugu horrayn tamar iyo sababta oo ah waxay sidoo kale u dhalin kartaa dhaqaalaha amaahda kaarboon ee shirkadda. Tani waa farqiga weyn.
