Share the post "Digniino Laga Soo Saaray Dib isu Abaabulka Burcad Badeedka & Qulqulka Hubka ee Somalia.."
Warbixino sirdoon ayaa daaha ka rogaaya in Degaano badan oo ku teedsan xeebaha Gobolada Sanaag, Bari, Nugaal iyo Mudug laga wado abaabulo dib boorka looga jafaayo Maleeshiyaadka Burcad badeedka kuwaasoo ugaarsiga Maraakiibta Ganasciga iyo kuwa Shidaalka ee isaga kala goosha Badweynta India iyo Bas Cas…
Wararka ayaa sheegaya in Xarunta Hawlgallada Ganacsiga Badaha ee UK (UKMTO) ayaa Arbacadii soo warisay in markabka weyn ee Huan Hang 99 oo ku gooshayay calanka China ay maalintii arbacada ku soo dhawaadeen shan doonyood oo yar-yar meel dhanka koonfureed kaga beegan magaalada Cadan, ciidamada Amaanka ee saarnaa Markabka ayaa rasaas digniin ah hawada u riday, weli ma cadda in doomaha ku lugta leh ay ka yimaadeen Yemen ama Somalia.
Ilo wareedyo loo qaateen ah ayaa xaqiijinaaya in Degaanada Xeebaha ee Puntland, Waqooyi Galbeed & Mudug oo abaaro ba’an, Shaqo la’aan baahsan ku heyso Dhalinyarada Degaanaadasi Maamulada Dhisan ka gaabiyeen iney jiheeyaan ay ku dhiiri gelisay iney Burcad badeed noqdaan, ku darsoo Ciidamada badda ee Midowga Yurub ee ku sugan xeebaha iyo sidoo kale khubarada dhinaca Amaanka ee EOS Risk Group, ayaa digniino ka soo saaray dib isu abaabulka kooxaha burcadbadeeku.
Waxaa kaloo la xaqiijiyay in Xiriiro dhex maray Kooxaha Argagixisada ee ku sugan Dhulka Buuralada Cal miskaad iyo cal madow iyo Kooxda Xuutiyiinta kuwaasoo xaalada Degaanadaasi ka dhigi karta mid ay fariisimo looga duulo Maraakiibta Isla markaasna sahli kara iney fududaayo qulqulka Hubka iyo Rasaasta sharci darrada ah ee la soi geliyo Somalia.
