Share the post "Ethiopia oo ku Baaqday Iskaashi Loo Dhan Yahay Howlgalada Bas Cas & Indian Ocean.."
Dowlada Ethiopia ayaa Beesha caalamka ugu baaqday iney horumariyaan iskaashiga loo dhan yahay ee ku saabsan Howlgalada Badda cas iyo Badweynta Hindiya, Dalabkaan ayaa yimid intii lagu jiray shirkii BRICS ee dhawaan ka dhacay Brazil, iyadoo Dalalka Egypt & Eritrea ay ka biyo diideen iney Ethiopia Saameyn ku yeelato…
Leulseged Tadese, Danjiraha Ethiopia u fadhiya Dalka Brazil, ayaa walaacan ku soo qaaday shirkii BRICS ee Wasiir ku-xigeennada arrimaha dibadda iyo Ergeyyada gaarka ah ee Bariga Dhexe iyo Waqooyiga Afrika ee intii u dhaxaysay March 27-28, 2025, ee Brasilia, isagoo carabka ku adkeeyay in iskaashiga caalamiga ah ee loo dhan yahay ee biyahaas ay u adeegaan danaha Bulshada caalamka.
Egypt oo xubin ka ah BRICS, waxay leedahay xeeb-xuduudeed ku leedahay Badda Cas, Sacuudi Carabiya ayaa lagu martiqaaday inay ku biirto BRICS laakiin weli kama aysan jawaabin, Dhowaan ayay ahayd markii maamulada Eritrea iyo Egypt ay ku kulmeen magaalada Qaahira, iyadoo arrimaha looga hadlay ay ka mid tahay Colaadaha iuo Xiisadaha badda cas, Egypt waxay ku adkaysanaysaa in dalalka leh xeebaha badda cas oo keliya ay ku lug yeeshaan arrimaha badda cas.
Badda Cas waa marin muhiim ah oo istaraatiijiyadeed, iyadoo in ka badan 10 boqolkiiba Maraakiibta Ganacsiga caalamiga ah ay adeegsadeen, Waxa ay isku xirtaa Ganacsiga guud ahaan Europe, Waqooyiga Afrika, iyo qaybo ka mid ah Aasiya, Dhowr Dal oo ay ku jiraan US, France, Japan, China, UAE, iyo Turkey, ayaa Saldhigyo milatari ku leh Gobolka.
