Share the post "Gabar Soomaaliyeed Oo Si Qasab ah Looga Dejiyay Duulimaad Diyaaradeed & Sababta.."
Garab Soomaaliyeed oo ka mid aheyd Rakaab raaci lahaa Duulimaad ay Diyaarad ay leedahay Ethiopian Airlines ayaa ku eedeysay Howlwadeenada Shirkada iney si xun ula dhaqmeen, isla markaasna muddo 24 saacadood ah ay ku xayireen Garoonka Addis Ababa…
Dhacdadan ayaa caro ka dhex dhalisay bulshada Soomaaliyeed, waxeyna horseeday in Olole lagu qaadacaayo Shirkada diyaaradaha Ethiopia ay Baraha Bulshada lagu faafiyo, dhacdadaan oo dhacday bishii Julay 19-dii, Aisha iyo Seygeeda ayaa laga soo saaray duulimaadkii loogu talagalay Nairobi, Sida laga soo xigtay qofka rakaabka ah, Wasiir ayaa raacay diyaaradda daqiiqadii ugu dambeysay, taasoo ay ku andacooneyso inay sababtay in laga saaro, Diyaaradda Ethiopian Airlines ayaa diiday iney saamayso habaynta fadhiga, iyadoo sheegtay in rakaabka ay damceen iney raacaan inkasta oo loo sheegay in duulimaadku buuxsamay.
Kadib markii laga soo dejiyay diyaarada ayaa Xoogaga Amaanku waxay ka dalbadeen Lamaanahan iney tirtiraan dhamaan muuqaaladii laga duubay, waxayna ka qaadeen baasabooradii ay wateen, taasoo keentay inay ku xayirmaan. “Waxay naga qaateen taleefoonadayada waxayna tirtireen dhammaan muuqaallada,” ayay tiri Aisha. “Waxaan ku xayirannahay muddo 24 saacadood ah, meel la’aan, wax raali-gelin ah, iyo xiriir cad oo la’aan.”
Howlwadeenada Shirkada ayaa ku andacooday in muuqaalku aanu ka tarjumayn sida dhabta ah ee isku xigxiga ee dhacdooyinka iyo in rakaabka ay saamaysay laga dajiyay duulimaadka xiga ee la heli karo. Si kastaba ha ahaatee, Lamaanaha ayaa falkaan ka biyo diiday, iyagoo sheegay in laga tagay gargaar la’aan, “Waxaa naloo sheegay inaan soo laabano 6-da aroornimo si aan u aragno inaan duuli karno,” ayay tiri. “Waxaan dareemay cabsi iyo awood la’aan.”
