Faahfaahin dheeraad ah ayaa laga helayaa Weerar oo ay ku soo qaadeen Qeybta Galmudug Maleeshiyaad la sheegay iney gaari ka buuxeen kuwaasoo galay Magaalada Salaadii Maqrib kadib, waxeyna weerar gaadmo ah ku qaadeen dhanka suuqa Wadajir oo ka tirsan dhanka Maamulka Galmudug ka taliso…
Iyadoo 3-dii maalmood ee u dambeysa Maleeshiyaad ka soo kala jeeda Beesha Sacad iyo Beesha Leelkase dhanka Baadiyaha ku dagaalamaayay galbeedka Gobolka Mudug, ku darsoo Sidoo kale labada reer ayaa deris ku ah magaalada Gaalkacyo oo xaafadaha ay ku badan yihiin ayaa kaabiga isku haya.
Goob joogayaal ayaa sheegay in in rasaas culus la is weydaarsanaayo, iyadoo la maqlaayo Daryaanka rasaasta baasuukaha, Ugu yaraan 5-Qof oo Rayid ah ayaa lagu diley dagaalka, waxaana jira dhaawac badan, sida ay Warsidaha Diinah.com u sheegeen dad goobjoogayaal ah.
Ilaa iyo hadda Mas’uuliyiinta Amniga Galmudug & Puntland midna weli kama hadlin xiisadda laga soo sheegayo Gaalkacyo iyo rasaasta labada dhinac ah ee laga maqlayo jidka kala qeybiya xaafadaha Garsoor iyo Wadajir ee magaalada.
