Mas’uul Xisbi Mucaarad Oo Dhaliilay Hogaan Xumida Madaxweynaha Oo Xabsiga la Dhigay..

Faahfaahin dheeraad ah ayaa laga helayaa Mas’uul Xibsi Mucaarad ah oo dhaliilo adag u jeediyay Hogaanka fashilmay ee Villa Somalia ayaa Koox ka tirsan NISA qaab afduub ahaan xabsiga Gobolka u dhigeen, inkastoo markii dambe ay ku wareejiyeen Boliiska Gobolka Benaadir..

Xuuraanada hordhaca ah ayaa xaqiijinaaya in Gudoomiyaha Xisbiga mucaaradka Mr.Cabdiraxmaan Suleymaan waxaa gaariga la saarnaa xildhibaan Cabdikariin Deyr Cabdi oo kamid ah Xildhibaanada SSC Khaatumo ku matala Golaha Shacabka, wuxuuna warbaahinta u sheegay in markii la qabanayay Cabdiraxman ay kasoo baxeen Hotel Sanaag.

Xildhibaanka ayaa shaaca ka qaaday in 3-Dabley hubeysan oo ku socotay Mooto Fekon gadaalna uu ka joogay gaari Cabdi bille uu ku buufsanaa NISA ayna gaariga Cabdiraxmaan kala degeen muddo kadibna isagii lagu amray inuu gaarigiisa wato, (Cabdiraxmaan) ayaa waxaana loo kaxeeyay dhinaca xarunta NISA ee Gobolka Benaadir, inkastoo markii dambe Boliiska Gobolka ay sheegteen iney qabteen.

Wararka ayaa sheegaya in Mr.Cabdiraxmaan Gudoomiyaha Urur Siyaasadeedka Shacabka oo dhowaan wareysi uu siiyay Shabeele Tv si kulul u weeraray Hogaanka Xiligaan ee Villa Somalia, wuxuuna sheegay “Afgooye iyo Balcad meel ka sokeysa ayey DFS difaac uga jirtaa, Saadkii Ciidankana waa la xaraashtay, MW Xasan Sheekh waa fashilmay anagoo Xisbiyo dhowr ah ayaana Ingiriiska iyo Mareykanka ku dacweynay” ayuu ku yiri Wareysigaan uu siiyay Tv ga Shabeele.