Share the post "Shirkada Rotana oo Hirgalineysa Dhismaha Hotel Casri ah Caasimada Mogadishu.."
Warar dheeraad ah ayaa laga helayaa heshiis ay wada gaareen Maamulka Shirkadda Rotana oo ah shirkad maamusha hoteello badan oo ku yaalla dunida iyo Bangiga Premier kaasoo salka ku haya dhismaha Hotelkii u horreyay oo Five Star ah oo laga hirgallinaayo Magaalada Muqdisho…
Mashruucaan lagu dhisayo Hotelka Rotana iyo Adeegyada kale ee casriga ah ee uu yeelanayo Mashruuca Gateway Complex ayaa noqon doona mid taariikhi ah oo daabooli doona baahida kala duwan ee dhanka ganacsiga iyo adeegyo bulsho sida hoolalka shirarka, Isbitaal, Dugsi, Qolal la jiifto iyo Mool lagana hirgelin doono argagaarka Garoonka Diyaaradaha.
Saxiixa Heshiiska waxaa ka soo qeyb galay Safiirka Somalia u fadhiya Imaaraadka Carabta Danjire Xuseen Cabdi Xalane iyo Mas’uuliyiinta heshiiska oo dhexmaray Maamulaha Premier Bank Jabriil Hassan Mohamed iyo madaxda shirkaddaasi, Shirkadda Rotana Hotel Management Corporation PJSC waa shirkad maamusha huteello badan oo ku yaal qaar kamid ah dalalka Bariga Dhexe,kuwa Balkanska, Afrika, iyo Turkiga.
