Wararka hordhaca ah ayaa sheegaya in Dabley ka tirsan Kooxda shabaabka ay degmada Afgooye ee gobalka Shabeellada Hoose ka Afduubteen Wariye Muuse Cabaas Cusmaan, oo ka tirsan weriyaasha Shabeellada Hoose…
Xogtaan oo si hoose loo soo gaarsiyay Aarka Diinah blogs ayaa Tilmaameysa in Weriye Cabaas oo sidoo kale ahaa shaqsi ku shaqeysta Mootada Faykoonka dhowr cisho ka hor laga Afduubtay gudaha Afgooye.
Laba nin oo bastoolad ku hubeysan ayaa weriye Cabaas ka dalbatay inuu geeyo degaan lagu magacaabo Nuun Garre oo ka tirsan Tooratoorow, waxaana kadib lagu wareejiyay Kooxda Amniyaadka ee Shabaabka.
Muuse Cabaas Cusmaan, wuxuu xiligaan ka howlgalaayay Radio Afgooye, isagoo sidoo kale wakiil wareed u ahaa Radio Goobjoog ee Muqdisho.
Wararka aan helnay ayaa sheegaya in weriyaha loo qaaday Janaale, waxaana lagu heystaa war uu ka sii daayay Radio Afgooye ee gobalka Shabeelada Hoose.
