Faahfaahin ayaa laga soo sheegaya Wasiir ku-xigeenka arrimaha gudaha maamulka Jubaland Cabdiraxmaan Maxamed Xuseen ayaa guddoomiye cusub iyo ku-xigeenadiisa u magacaabay maamulka gobolka Gedo, isagoo ku sugan magaalada Muqdisho…
Wararka hordhaca ah ayaa sheegaya Cabdiraxmaan Maxamed Xuseen ayaa 7-dii March-2020 isku dhiibay Ciidamada Beesha Madaxweynaha ee degmada Doolow ee gobolka Gedo, ayaa wixii ka dambeeyey ku sugnaa magaalada Muqdisho oo uu yimid, isagoo lagu biilo Hoteel ku Magaalada.
![](https://diinah.com/wp-content/uploads/2020/05/6C84934B-4456-4DCD-B6FB-3EDF4E50375D.jpeg)
Cabdiraxmaan ayaa guddoomiyaha cusub ee gobolka Gedo u magacaabay Horjooge Cusmaan Nuur Xaaji Macalimuu, oo ka mid ah Gacan ku dhiiglayaasha uu ku adeegto Horjooge Farmaajo, Macalimuu ayaa muddo ahaa guddoomiye ku-xigeenka Gedo iyo sii-hayaha xilka guddoomiyaha.
Waxa uu sidoo kale magacaabay gudoomiye ku-xigeenka arrimaha siyaasada: Maxamed Cali Xuseen. Gudoomiye ku-xigeenka labaad ee maaliyadda: Nasteex Cabdi Saalax, iyo madaxa arrimaha bulshada ee gobolka: Ibraahim Maxamed Gubow.
Xubnaha taageersan Mr.Farmaajo ee gobolka Gedo ayaa weli sheegtay magaca Jubaland, oo ay u muuqato mid ay maamulkaas kula sheeganayaan maamulka Axmed Madoobe. Si kastaba, ma cadda sharciyadda uu Cabdiraxmaan u haysto xilalka uu magacaabay iyo sida arrintan ay u shaqeyn doonto.