Wasiirka 1-aad ee Dowlada Federaalka oo Booqanaaya Laascaanood ee Gobolka Sool..

Macluumaad hordhac ah ayaa laga helayaa safar uu Wasiirka 1-aad ee Dowlada Federaalka ku tegaayo magaalada Laascaanood si uu u xoojiyo Xiriirka Hogaanka Maamulka SSC-Khaatumo, taasoo aad uga careysiin doonta Maamulada Puntland iyo Somaliland oo mid walba sheegto iney hoos yimaadaan…

Safarka Wasiirka -aad Mr.Xamse Cabdi Barre ayaa lagu warramayaa inta uu ku guda jiro uu kulamo la qaadan doono Hogaamiyayaasha Maamulka, Waxgaradka, Qeybaha Haweenka iyo Odayaasha Dhaqanka, isagoo daah furi doona tiro Mashaariic hormarineed, iyadoo Safarkaan shaqo uu noqon doono mid muhiim ah oo sare u qaadi doonta heerka Siyaasadeed/Dhaqaale Degaanada ka tirsan Gobolka.

Xuuraano loo qaateen ah ayaa xaqiijinaaya in Safarka Wasiirka 1-aad ay aad uga fal celin doonaan Hogaamiyaayaasha Puntland & Somaliland, una arkaan in Dowlada Federaalka ay fara gelin ku heyso degaanada ay maanulaan, inkastoo Hogaanka Dowlada Federaalka u arkaan Maamulka SSC-Khaatumo mid KMG ah.

Qabanqaabada loogu jiro soo dhaweynta Mr.Xamza iyo wafdigiisa ayaa sidoo kale si weyn looga dareemayaa Laascaanood oo xarun u ah maamulka SSC, waxaana maamulka iyo shacabka ay u diyaar garoobayaan iney qaabilaan wafdiga ka socda dowladda Federaalka, iyadoo Magaalada ay horey u gaareen Wafdi iyo Ciidamo hordhac ah.