Xoogaga Xuutiyiinta Yemen Oo Weerar Gantaalo ah ku Qaaday Markab Dagaal..

Qoraal ay soo saareen Xoogaga Aad u hubeysan ee Xuutiyiinta Yemen ayaa sheegtay iney weerar ku qaadeen Markab kuwa Diyaaradaha xambaara oo laga leeyahay Dalka Mareykanka, kaasoo xiligaasi marayey Badda Cas, waxeyna sheegeen iney uga aargudanaayeen Duqeymaha Diyaaradaha Dagaalka ee USA ku hayaan Degaanada Dalka Yemen..

Bayasnka kooxdani syaa lagu xusay “Howlgaladeenu waxey u socdaan sidii loogu tala galay, taasoo noqonaysa howlgalkii saddexaad ee 24-kii saac ee la soo dhaafay,” ayay raacisay, Howlgalladayada militari ee ka dhanka ah cadowga Mareykanka waa ay sii socon doonaan, iyadoo la beegsanayo maraakiibtooda dagaalka”.

Xafiiska Pentagon-ka Maamulka Trump ee Mareykanka ayaa dejiyay Mareykanka qariidado dagaal oo lagu weerari doono xarumaha Nuclear-ka & Xeryaha Ciidamada Dalka Iran, iyadoo dhowrkii maalmood ee u dambeeyay u daabulay Dalalka Sacuudiga, Qatar iyo Kuwa kale oo Khaliijka Qalabka Difaaca Cirka ee noocyada THAAD iyo PATRIOT, waxaana la galiyay Heegan sare ciidamada qalabka sida ee Mareykanka ee Taliska CENTCOM, Dhaqdhaqaaqyadan ayaa lagu waramayaa iney xaalada Amaan iyo Nabadeed ee Dalalka Bariga dhexe uga sii dari doonaan hadii aan aan laga hortagin.