Warar dheeraad ah ayaa laga helay Safar u qorsheystay Madaxweynaha Puntland Siciid Cabdullaahi Deni, kana baaqsaday Oo todobaadkaan ku tagi lahaa magaalada Nairobi ee dalka Kenya, halkaasoo uu kulamo kula qaadan lahaa Diblomaasiyiin ka socda qaar kamid dalalka Reer galbeedka iyo Khaliijka…
Mr.Deni ayaa safarkiisa Nairobi uu daranaa Arrimaha Doorashooyinka Somalia, waxaana sidoo kale uu magaaladaas kula kulmi lahaa Madaxweynaha Jubbaland Axmed Maxamed Islaam, si looga wada hadlo Arrimaha Doorashada iyo in mowqif mideysan laga qaato Xulashada Xildhibaanada Golaha Shacbiga.
Xogtaan ayaa Warsidaha Diinah.com news u xaqiijisay in laga yaabo todobaadka soo socda inuu Magaalada Garoowe soo gaaro Madaxweyne Axmed Madoobe oo hada ku sugan magaalada Nairobi, isagoo kulamo la qaadanaya Madaxweyne Deni iyo qaar kamid ah isimada Puntland.
Siciid Deni ayaa la rumeysan yahay inuu yahay musharrax u taagan Madaxweynaha DFS, waxaana uu si toos ah taageero uga helayaa Axmed Madoobe, waxaana la filayaa in kulankooda Garoowe ay diirada si gaar ah ugu saaraan doorashooyinka Golaha Shacabka BJFS.
