Dagaal Sababay Dhimasho & Dhaawacyo kala heer ah oo ka Dhacay Gobolka Mudug…

Faahfaahino dheeraad ah ayaa laga helayaa Dagaal beeleed sababay tiro dhimasho ah iyo Dhaawacyo kala heer Qax iyo barakac baahsan oo Dadka Rayidka Degaanka saameeyay ayaa ka dhacay Degaanka Xarfo ee Gobolka Mudug qeybta Puntland…

Wararka ayaa sheegaya in Dagaalkaan u dhaxeeya laba Maleeshiyo beeleed oo ku muransan Dhul iyo Ceel biyood ayaa in Goobjoogayaal xaqiijiyeen iney maqlayaan rasaas xoogan oo ay is weydaarsanayaan labada Maleeshiyaad ee ku dagaalamaya degaanka, inkastoo aan la xaqiijin karin khasaaraha soo kala gaaray dhinacyadaan.

Dadka Degaanka ayaa ka cabsi qaba in dagaal beeleedka uu sii xoogeysto, iyadoo labada dhinac ay wataan hub culus, Majiro wax war ah oo kasoo baxay dhanka Maamulka Puntland oo Degaan ahaan hoos yimaada Maamulka halka dagaalkan uu ka socdo, Sidoo kale ilaa iyo hadda xog dheeri ah lagama hayo waxa sababay dagaalka balse wararka ayaa tibaaxaya in uu salka ku hayo muran dhuleed oo soo noq noqday.