Qoraal ay soo saareen Horjoogaha Siyaasada iyo xiriirka gobolada ee Maleeshiayadka kooxda Shabaab ayaa isbadal dhinaca maamulka ah ku sameeyay gobolka Shabeelaha Dhaxe, waxaana xilka laga qaaday Horjoogihii gobolkaasi ugu magacawnaa kooxda iyadoona lagu bedelay mid cusub….
Sida lagu baahiyay Warbaahinta kooxda, waxaa xilkii Horjoogihii gobolka Shabeelaha Dhaxe laga qaaday Yuusuf Sheekh Ciise (Kabakutkade) kaasoo sanado badan Horjooge ka ahaa gobolkaasi, waxaana lagu bedelay Horjooge Cabaas Abu Maxamad, Munaasabad lagu qabtay degmo katirsan Gobolka Shabeelaha Dhaxe ayaa lagu shaacinayay isbadalka dhinaca maamulka ee ka dhacay gobolkaasi.
Waxaana Horjoogaha Siyaasada iyo Gobolada ee Shabaab dadka ku dhaqan Gobolkaasi ku wargalisay in Horjooge looga dhigay Cabaas, kooxda Shabaab ayaa inta badan isbadalo dhinaca maamulka ah ku sameysa gobolada ay joogaan, waxaana Horjooge Kabakudukade kamid yahay kuwa ugu waqti dheer ee dhinaca Gobolada Wakiil uga ahaa kooxda Shabaabka.
