Warar dheeraad ah ayaa laga helayaa dab xooggan oo xalay qabsaday suuqa weyn ee degmada Xudur ee Gobolka Bakool, Dabkaan ayaa dhamaan baabi’iyay goobihii Ganacsiga ee uu ka kacay waxaana ku baaba’ay dhamaan hantida tiilay Suuqaasi…
Saacado badan ayeey tilmaameen Ganacsatada Degaanka inuu dabka socday oo aysan helin wax gurmad weyn marka laga soo tago Dadka Degaanka oo xoog iyo xeelad iskugu geeyay sidii ay u damin lahaayeen, Majiro tirakoob sax ah oo laga bixiyay khasaaraha dabkaan.
Wararka qaar ayaa sheegaya in Dabka qabsaday Suuqa magaalada Xudur uu ka dhashay koronto halka dad kalena ay sheegayaan in kaalin Shidaal daris la ahaa suuqa gubtay uu saameeyay, Degmadaan Xudur ayaa muddo ka badan 10-sano waxaa go,doomiyay Maleeshiyaadka Kooxda Argagixisada shabaabka, Suuqaan wuxuu ahaa midka kaliya ee laga isticmaalayay magaaladaasi.
