Faahfaahin dheeraad ah ayaa laga soo sheegayaa is-Rasaaseyn xoogan oo la isku adeegsaday Hubka noocyadiisa kala duwan kana dhacay degaano hoos taga degmada Xarardheere ee gobolka Mudug, halkaasoo ay gacanta ku hayaan malayshiyaadka Kooxda argagixisada Shababka….
Is-rasaaseyntaani oo u dhaxeysa laba malayshiyo Beeleed degaanka ah kuwaasoo aad u hubaysan ayaa wuxuu ka dhacay tuuladada Ceel-caday oo ka tirsan degaanka Warshubo ee Gobolka Mudug, waxaana ku geeriyoodey laba ruux halka tiro kalena keet ku dhaawacmeen.
Dagaalkaan ayaa la sheegay inuu salka ku hayo xiisad u dhexaysay mudooyinkan beelo deegaanka wada dagan, dhinacyadan dagaalamey ayaa wada hub uruursi balaaran iyadoo ay jirto cabsi laga qabo colaadaan iney sii daba dheeraato.
Qaar ka mid ah dadka degaanka ayaa xaqiijiyay in ay waddaan dadaallo ku aadan sidii looga hortagi lahaa dagaal beeleedka uu kusii balaarto degaanka, waxaana ay qayb ka yihiin dagaal beeleedyada oo Galmudug tusbax afka laga furay ka noqday tan iyo doorashadii Qoorqoor.
