Wararka inaga soo gaaraya degmada Balcad ee Gobolka Shabellaha dhexe ayaa waxay sheegayaan in halkaasi uu ka dhacay weerar dhaba gal ah kaasoo gaystay Khasaare Naf iyo maal isugu jira…
Wararka hordhaca ah ayaa sheegaya in Gaadiid ay wateen Ciidamada Dowladda oo ka ambabaxay Magaalada Muqdisho ayaa qarax miino lagula eegtay inta u dhaxeysa degmada Balcad & degaanka Qalimow, isla markaana uu xigay weerar toos ah oo ciidamada lagu qaaday, waxaana halkaasi ka dhacay dagaal dhex maray Ciidamada Dowladda & Koox ka tirsan Shabaabka.
Dagaalkaasi ayaa lagu soo waramayaa inuu ka dhashay Khasaare dhimasho & dhaawac labada dhinac, waxaana la sheegayaa ugu yaraan Saddex Askari iyo Wadihii Gaariga Booyada ah, lama oga khasaare gaaray Kooxda Shabaabka.
Booyada ayaa la sheegay inuu iska lahaa Wasiirka Amniga ee Dowlada Federaalka, wuxuuna qandaraas ka heystaa Sahayada iyo Saadka inuu gaarsiiyo, Ciidamada Amisom.
Wadada isku xirta Jowhar & Muqdisho ayaa ammaankeeda wuxuu yahay mid aanan wanaagsaneyn, oo inta badan waxaa ka dhaca falal lidi ku ah ammaanka oo Shabaab ay gaystaan.
