Dagaal Xoogan Oo Saakay Ka Qarxay Degaanka Masagawaay ee Gobolka Galguduud..

Faahfaahin hordhac ah ayaa laga helayaa dagaal xoogan oo saakay u dhexeeyo Ciidamada Dowladda Federaalka oo kaashanaya kuwa Degaanka iyo Maleeshiyaadka kooxda Argagixisada Shabaabka uu ka socdo Degaanka Masagawaa ee bariga Gobolka Galguduud..

Warar hordhac ah oo laga helay Dadka Degaanka ayaa sheegay in dirirtu ay tahay mid xoogan, isla markaana labada dhinac ay isku adeegsanayaan hubka noocyadiisa kala duwan, mana cadda khasaaraha ka dhashay dagaalka oo weli ka socda agagaarka magaalada Masagawaa ee Gobolka Galgaduud.

Wararka ayaa intaasi kusii daraya in dgaaalka ay barbar socoto duqeyn ay fulinayaan diyaarado dagaal oo hawada ka taageerayo Ciidamada Dowladda iyo kuwa Macawiisleyda, Xaalada ayaa weli kacsan, waxaana halka lagu dagaalamayo gaaray ciidamo kale oo gurmad ah oo ka baxay Degaanno kale oo ka tirsan Gobolka.