Dagaalka Canshuuraha ee Trump oo Dhaliyay Deganaasho La’aan Dhaqaalaha & Ganacsiga..

Waxaa wel wel laga muujiyay go’aanka Canshuur saarka 10% ee badeecadaha uu saaray Madaxweynaha USA Donald Trump ayaa kiciyay dagaal Ganacsi oo caalami ah khatarna ku ah inuu horseedo sicir barar iyo inuu hakad geliyo koboca dhaqaalaha Aduunka..

Iyadoo Go’aanka Mr.Trump uu ku dhawaaqay ayaa jahwareer geliyay Suuqyada Caalamka gaar ahaan Saamiyada Apple -9, Amazon -7, iyo kuwa kale ee teknoolojiyadda ayaa hoos u dhacaya Khamiista iyadoo Suuqyadu ay soo jiidanayaan saameynta wareegtada cusub ee Madaxweyne Donald Trump ee lagu dhawaaqay fiidnimadii Arbacada.

Shirkadaha kale ee teknoolajiyada ayaa sidoo kale saameysay Saamiyada Nvidia ayaa hoos u dhacay in ka badan -4% subaxnimadii Khamiista halka shirkadda Tesla ay sidoo kale hoos u dhacday -4%, iyada oo ka baxday badi faa’iidooyinkeeda Arbacada, Saamiyada Meta ayaa hoos u dhacay ilaa -7%, Takaabadaan waxaa cambaarayay Hogaamiyayaasha Reer Galbeedka & China.

Suuqyada Aasiya ayaa degenaasho iyo hubanti la’aan geliyay Go’aanka Mr.Trump, iyagoo Maalgeliyayaasha ay cabsi xoogan ku abuurtay go’aankani, waxeyna raadinaaya qorshayaal ay kaga badbaadi karaan qiima dhaca ku yimid badeedaha iyo Ganacsiga xorta ah, Dalka China uu saaray Mr.Trump 34% halka Europe 20% iyo Japan 24%, go’aankaan ayaa dhaqan geliyaa 5-Bishaan April Canshuuraha Asaasiga ah iyo 9-April uu dhaqan geli doono Canshuuraha sare ee Jawaabta ah.