Diyaarado Drones ah oo Duqeyn ka Fuliyay Degmada Balcad & Khasaaraha ka Dhashay..

Macluumaad hordhac ah ayaa laga helayaa Howlgal duqeyn ah oo xalay saq-dhexe diyaarado dagaal ay ka fuliyeen duleedka degmada Balcad ee Gobolka Shabeelaha Dhexe, iyadoo lagu weeraray goobo ay ku sugnaayeen Maleeshiyaadka kooxda argagixisada Shabaabka…

Wararka ayaa sheegaya in Duqeynta lagu bartilmaameedsaday Maleesgiyaadkaani oo isku uruursanaayay inta u dhexeyso Degaanka Xawaadley iyo Degmada Balcad, halkaasoo uu dhowaan ka dhacay weerar ay Kooxdq Argagixisadu ku soo qaadeen fariisimada Ciidamada Dowladda, kaasoo dhaliyay khasaare kala duwan.

Waxaana lagu gaarsiyay qaar ka mid ah Maleeshiyaadka kooxda khasaare balaaran oo isugu jiro dhimasho iyo dhaawac, Degaanka Xawaadley oo ay horay uga baxeen Ciidamada ATMIS ayaa waxaa maalmahan culeys soo saaray kooxda Argagixisada oo weeraro ku haysay fariisimada Ciidamada Dowladda.