Share the post "Dowladda oo Bilaawday Xakameynta Hubka Sharci darada ah iyo Calaamadeynta Rasaasta.."
Warar dheeraad ah ayaa laga helayaa Kulan uu ka qeyb galay Wasiirka Wasaaradda amniga gudaha Dowlada Fedaraalka Cabdullaahi Sheekh Ismaaciil Fartaag, kaasoo shir Gudoomiyay kulan looga hadlayay arrimaha xakameynta hubka sida sharci darrada ah ku soo gala gudaha Dalka…
Kulankaan ayaa waxaa ka qeyb galay xubno ka socda beesha Caalamka iyo Mas’uuliyiin kale oo ka tirsan Dowladda Fedaraalka ayaa Wasiirka Amniga oo ugu horeyn ka hadlay kulanka ayaa sheegay in guulo la taaban karo laga gaaray xakameynta hubka sharci darada kusoo gali jiray Dalka oo ay ka faa’ideysan jireen kooxaha lidiga ku ah amniga guud ee Dalka.
Ku xigeenka La taliyaha amniga Qaranka Mukhtaar Maxamed Xasan ayaa dhankiisa ka sheegay kulanka in ka xafiis ahaan ay ka go’an tahay xaqiijinta la dagalanka hubka sharci darradda ah iyo calaamadeynta rasaasta, “Waxyaabaha ugu muhiimsan ee maanta shirka looga hadlay waxaa ka mid ah, qiimeynta qorshaha Qaran ee sanadlaha kaasoo aan ka fiirinay guulaha ay dowladda ka gaartay iyo waxyaabihii qabsoomay” ayuu yiri.
Kulankaan looga arrinsanayay xakameynta hubka sharci darada ah iyo calaamadeynta rasaasta ayaa kusoo aadaya, iyadoo horay marar badan xaduudaha Dalka uu la wadaago Dalka Ethiopia ay kasoo galeen gudaha Dalka hub sharci daro ah, iyadoo ay gaareen Magaalooyinka Garoowe, Baydhabo iyo Gobolka Gedo.
