Howlwadeenada Hey’adda Duulista Aduunka (ICAO) Oo Soo Gaaray Mogadishu..

Faahfaahino dheeraad ah ayaa laga helayaa Ergo ka socota Hey’adda Duulista Caalamiga ah ee ICAO oo soo gaaray magaalada Mogadishu, waxaana soo dhaweeyay Mas’uuliyiin uu Hogaaminaayo Maareeyaha Guud ee Hey’adda Duulista Rayidka Soomaaliyeed..

Wararka ayaa sheegaya in Mas’uuliyiinta ICAO iyo Maareeyaha oo kulan yeeshay ayaa ka wada hadlay sidii lagu horumarin lahaa iskaashiga farsamo ee labada Hay’adood iyo qiimeeynta sida Somalia ay diyaar ugu tahay baarista farsamo oo dhawaan Hay’adda ICAO ku samanayso Hay’adda Duulista Rayidka Soomaaliyeed.

Kulanka ayaa lagu faaqiday siyaabaha lagu xoojin karo awoodda farsamo ee Hay’adda Duulista Rayidka Somalia iyo hubinta waafaqsanaanta Hawlaha Hay’adda ee shuruucda iyo heerarka Duulista Caalamiga, sida lagu sheegay qoraal ay soo saartay Hay’addu.

“Booqashada wafdigan ayaa ka dhigan tilaabo horumar leh oo loo qaaday dhanka xoojinta khibradda farsamo iyo heerarka howlgelinta shaqooyinka Hay’adda, waxay jidka u xaareeysaa in Duulista Rayidka Somalia ay bixiso addeeeg leh badqab la hubo isla markaana heerkiisu sareeyo” ayaa lagu yiri qoraalkaasi.