Macluumaad hordhaca ah ayaa laga soo sheegaya howlgalo Ciidamadu qaadeen ayaa lagu soo qabqabtay tobaneeyo ka mid ah dhalinyaradii ka qeyb gashay banaanbixii Sabtidii todobaadkaan ka dhacay Muqdisho….
Wararka ayaa sheegaya in Dhalinyaradaan la xir xiray ayaa loogu Da’ay ay guryahooda, iyagoo lagala baxay waxeyna dhamaantood ka soo muuqday baraha bulshada ee Internate-ka, islamarkaana jeediyey hadallo ka dhan ah Mr.Farmaajo, waxaana ku jira wiilkii soo dejiyay sawirka Madaxweynaha iyo qaar kale oo warbaahinta la hadlay.
Sidoo kale xogta aan helnay ayaa sheegeysa tobaneeyo kamid ah dadkii banaanbaxa ka qeyb galay ay guryahooda ka carareen kadib markii waqtiyo kala duwan laga raadiyay guryahooda.
Hey’adda NISA iyo Xoogaga Wadaniyiinta oo hubeysan dharcad ah ayaa la sheegay in ay dageen agagaarka guryaha dhalinyarada baxsadka ah si ay usoo qabtaan ama ay xog ku saabsan gudbiyaan waana arrin halis ku ah amaanka Muqdisho.
Ila wareed ku sugan Degmada Shibis ayaa Sheegay dil loogu geystay wiil yar oo dhalinyaro ah, kaaso maraayay wadada isku xirta isgooska maanaboolyo iyo afarta darjiin.
Faahfaahin dheeri ah oo kasoo baxaaya wiilka la dilay ayaa la sheegay inuu ka mid ahaa dhalinyaradii ka qeyb qaadatay banaanbixii ka dhacay Magalada Muqdisho.
