Magaalada Ceyrigaabo oo Bandow lagu soo rogey Kadib Shaqaaqo ka Dhacday..

Wararka hordhaca ah ee naga soo gaaraya magaalada Ceyrigaabo ee Gobolka Sanaag ayaa sheegaya in Magaalada Ceerigaabo ee gobolka Sanaag inuu ka dhacay Banaanbaxyo rabashado wata oo sababtey dhimasho iyo dhaawac kadib markii Malayshiyo abaabulan ay weerar ku qaadeen Dadkii Banaanbaxa dhigaayay.

Wararka ayaa sheegaya in Koox Hubeysan ay weerar ku qaadeen Saldhigga Boliiska Ceyrigaabo, Falkaan ayaa daba socdey Dad laga xirey Shaqaaqadii hore magaalada uga dhacdey, Inta la og yahay 3-Qof ayaa ku dhimatey qaar kalena waa ku dhaawacmeen rasaasta loo adeegsaday Banaanbaxayaasha sida ay sheegeen Kalkaaliyaal Caafimaad oo ka hawlgala Isbitaalka Magaalada, Dadka dhintey Qof kamid ah ayaa Dumar aheyd.

Waa markii 2-aad ee Shaqaaqo noocaan oo kale ah ay ka dhacdo Magaalada Ceyrigaabo, Rabshadahan cusub ee ka dilaacay Magaalada ayaa ku soo beegmaya wax yar kadib markii Somaliland loo doortey Madaxweyne Cabdiraxmaan Cirro oo taageerayaashiisu ku qeyb ka degan yihiin magaalada, Sidoo kale waxaana wada degan beelaha Isaaqa iyo Hariga, kuwaasoo hadda shaqaaqadan u dhaxayso.