Qeylo dhaan laga Soo Saaray Dayac ka Muuqda Garoonka Diyaaradaha Waqooyiga Magaalada Gaalkacyo..

Wararka naga soo gaaraya Waqooyiga magaalada Gaalkacyo dhanka Maamulka Goboleedka Puntland ayaa sheegaya in Waxgaradka degaanka ay qeylo dhaan ka soo saareen dayac iyo dayactir la’aan baahsan xaalada Garoonka Diyaaradaha Waqooyiga Magaalada, waxeyna ku baaqeen in la daba qabto…

Wararka ayaa sheegaya in Waxgaradka Degaanka ay soo jeediyeen in wax laga qabto xaaladda dayac ee ka muuqata garoonka diyaaradaha Cabdullaahi Yuusuf ee magaalada Gaalkacyo, gaar ahaan waxaa burbur baahsan ka muuqa dhabaha diyaaraduhu ay degaan/ka kacaan kaasoo aan muddo dheer helin dayactir guud dhaqaalaha ka soi xaroodana Maamulka ay kala qeybsadaan.

Mid ka mid ah Waxgaradka degaanka oo qoraal Boggisa X soo dhigay ayuu ku xusay in si dhib leh loogu yeeri karo garoon diyaaradeed, Waxayna muujineysaa sida Madaxweynayaashii kala dambeeyay ee Maamulka Puntland ay u dayaceen garoonka diyaaradaha, isla markaana aan tixgalin taariikhdii C/llaahi Yuusuf oo Puntland dhidibada u taagay, isla markaana mar kale Villa Somalia loo doortay Madaxweynaha Dowladda Federaalka Somalia intii uusan geeroyiin ka hor.