Wararka hordhaca ah ee naga soo gaaraya degaanada Waqooyi bari Kenya ayaa sheegaya, in Saraakiisha Amaanka ee dagaanka Gumarey ee Ismaamulka Wajeer ay heleen qeybo ka mid ah jirkiisa Gudoomiye Kuxigeenka degaanka oo maalmo ka hor ay afduubteen Dabley Hubeysan…
Saraakiisha Amaanka ayaa sheegay in Marxuum Cumar Aadan Buul oo ahaa Kaaliyaha Caafimaadka degaanka Gumarey ayaa madaxiisa oo jaran laga helay Wadada dhinaceeda, iyadoo Baarayaasha Boliiska ay ku raad joogaan helista Qeybaha kale ee jirkiisa oo maqan, Marxuumka ayaa la afduubtay maalintii Jimcihii la soo dhaafay.
Dhacdadaan ayaa ku soo beegmeysa,iyadoo bilihii ugu dambeeyay ay degaanada Gaarisa,Wajeer, Ceel Waaq, Mandheera iyo Lamu ay aad u kordheen falalka amni darro oo ay Kooxaha argagixisada ay ka fulinayaan degaanadaasi, waxeyna kooxahaan isku diyaarinayaan sidii ay weeraro culus uga fulin lahaayeen gudaha Kenya inta lagu jiro Ciida Masiixiga iyo Dabaaldega Sanadka cusub oo dhowaan la qaban doono.
