Waxaa qeylo Dhaan ka soo yeereysaa degaano badan oo Somalia ka mid ah, kadib markii ay xili roobaadkii uu ka curtay, iyadoo Buundooyin ku kala yaal Gobolada iyo Degmooyinka Dalka laga soo Sheegaya iney dhibaato u geysteen Roobabkii da’ay, halka fatahaadaha ay sidoo kale waxyeelo geysteen…
Wararka hordhaca ah ayaa sheegaya in Buundooyinka Qayaadsame oo katirsan deegaanka Alxamdulilaah, oo iskuna xirta Degmooyinka Qardho iyo Boosaaso ayaa go’aan kadib markii ay gooyeen roobab saacadihii lasoo dhaafay da’ay degaanadaasi, halka Magaalada Hargeysa la sheegay in Buundada Magaalada dhex marta ay helis ugu jirto iney burburto.
Buundooyinkaan ayaa muhiim u ah isku socodka Magaalooyinka Dalka, iyadoo Gaadiidleyda la amray iney hakiyaan adeegsiga Buundooyinka si aaney khasaare uga soo gaarin Buundooyinka go’an ama fatahaadaha oo xiligaan aad ugu badan gobolada Dalka qaarkood.
