Sida ay faafisay Wakaalada Wararka ee Ethiopia (Fana) kuna hadasha Afka Dowladda, Taliyayaasha Ciidamada Ethiopia (Gen.Berhane Tula) iyo dhigiisa Djibouti Gen Zakariye ayaa ku kulmay Magaalada Addis abeba ee Ethiopia, waxeyna ka wada hadleen xiriirka iskaashi ee labada Dal…
Saraakiishaan ayaa kulankooda diirada ku saaray sidii loo xoojin lahaa xiriirka iskaashi iyo mid dhaqaalaha Ciidamada, waxeyna ku baaqeen in la abuuro jawi iyo farsamooyin lagu wadaago macluumaadka xogaha Wararka Ciidamada, khibradaha iyo Tababarada wadajirka ah.
Sidoo kale waxey isla soo qaadeen sidii loo xoojin lahaa wada shaqeynta si wadada Ethiopia iyo Djibouti looga dhigo aag nabdoon oo ka caagan Falalka lidiga ku ah Amniga iyo xasiloonida Gobolka, iyagoo ku heshiiyay in la sii wado Shirarka la xiriira iskaashiga difaaca Ee sanadlaha ah Ee labada Ciidan.
