Share the post "Kooxda Argagixisada Shababka oo 3-Ganacsato ah ku Dileen Degmada Hodan & Sababta.."
Faahfaahino dheeraad ah ayaa laga helayaa weerar Dabley ku hubeysan Bastoolado oo daacad u ah Kooxda Argagixisada Shabaabka ka tirsan ay shalay ka fuliyeen Xaafadda Soona-key Degmada Hodan ee magaalada Muqdisho, waxaana ka dhashay Khasaare Dhimasho ah…
Wararka ayaa sheegaya in Dhalinyaradaan loo dilay iney goobahooda ku xireen Muuqaal duubaha CCTV, iyadoo laba ka mid ah ay isla goobta ku geeriyoodeen halka Marxuumka 3-aad oo Isbitaalka loola cararay ku geeriyooday, Ciidamada Amaanka ayaa ku fashilmay iney gacanta kusoo dhigaan danbiilayaashii falkan dilka ah geystay, kuwaasoo weerarka kadib goobta isaga baxsaday.
Inta badan Ganacsatada ayaa u hoggaansamay amarka Dowladda, laakiin waxa ay u noqdeen Dhibanayaal, maadaama ay beegsanayaan maleeshiyaadka Kooxda Argagixisada Shabaabka, maalmo ka hor ayaa falal Dil xambaarsan ka dhaceen Degmooyinka Dayniile iyo Heliwaa, iyadoo ay hadda xaalad cabsi ah lasoo daristay Ganacsatada Soomaaliyeed oo wajahaya labo daran mid dooro.
