Warbixin Laga Soo Saaray Tirada Guud Bukaanada Qaba Cudurka HIV AIDS ee Degaanada Puntland..

Wararka naga soo gaaraya magaalada Garoowe ee Maamul Goboleedka Puntland ayaa sheegaya in Hay’adda La-dagaallanka xanuunka AIDS-ka u qaabilsan Puntland ee PAC ay shaacisay warbixin ku saabsan heerka xanuunka HIV/AIDS-ka ee guud ahaan degaannada Puntland..

Warbixintaan ayaa lagu xusay in tirada guud ee dawada HIV/AIDS-ka qaadata yihiin 646 Bukaan, Sida ay muujinayso warbixinta hay’adda PAC, waxaa magaalada Gaalkacyo oo keliya daawada AIV/AIDS-ka qaata 205 oo Bukaan, halka magaalada Garoowe ay daawada ka qaataan 197 Bukaan.

Halka Magaalada Boosaaso waxaa daawada AIDS-ka qaata 181 Bukaan, halka Qardho ay 54-Bukaan ay qaataan dawooyinka HIV-ga, islamarkaana degmada Badhan 9-Bukaan oo keliya qaataan daawada xanuunkani, sida ay tilmaantay warbixinta PAC.

Hay’adda La-dagaallanka xanuunka AIDS-ka u qaabilsan Puntland ee PAC ayaa warbixintani ku soo bandhigay xuska maalinta Aids-ka aduunka oo Garoowe lagu qabtay.