Ma Dhabaa in Ciidamada Turkiga loo Diyaariyay iney Howlgalayaan Degaano ka tirsan Jubada Dhexe…

Macluumaad dheeraad ah ayaa laga helayaa qorshe ay si horshac ah ugu heshiiyeen Dowladaha Turkiga iyo Somalia kuna aadan iney Dowlada Erdogan u soo dirto Somalia Ciidamo ka qeyb qaata la-dagaalanka Kooxaha Argagixisada ee Shababka iyo Daacishta kuwaasoo dhibaato ku haya Nidaamka jilicsan ee Dowlada Federaalka…

Xuuraano hordhac ah ayaa daaha ka rogaaya in Ciidamadaan oo Magacoodu lagu sheegay Sadat una xil saaran difaaca danaha Dowlada Turkiga ee Dibeda aadna u tababar ayaa lagu wadaa iney Fariisimo ka dhigtaan Degmada Jamaame ee Gobolka Jubada hoose isla markaasna xiligaan ay gacanta ku hayaan Kooxda Argagixisada Shababka.

Dowlada Turkiga ayaa la sheegay ineysan weli go’aan ka gaarin Xaruntooda Dayax-gacmeedka Degmadii ay ka dhigan lahaayeen waxaa weli miiska saaran Degmooyinka Cadale ee Gobolka Shabeeleda Dhexe iyo Degmada Jamaame, iyadoo fulinta Mashruucaan uu ku bixi doono Balaayiin US$, waxaa qorshaha ka mid ah Saldhigyo Ciidamada Cirka iyo kuwa Badda laga dhiso Somalia.

Hadii howlgalka u dhaqangalo sida loo qorsheeyay, waxaa loolan adag dhex mari doona Dowladaha Turkey iyo UAE/Israel ee geeska Afrika, fulinta heshiiskii Ankara ee ahaa in Ethiopia hesho marin amaan ah oo ay wax kala soo degto ayaa sidoo kale u baahan fulin, Qorshahaan ayaa waxaa ka mid ah in amaan laga dhigo guud ahaan xeebaha Dalka Somalia oo xiligaan ah mid beylah ah oo kooxaha Argagixisadu ka soo dagsan jirtay hubka, sidoo kala ay ka dhoofi jirtay dhuxusha sharci darada ah.