Warar hordhac ah oo la soo gaarsiyay warsidaha Diinah.com news ayaa sheegaya in Diyaarad nooca xamuulka qaada ayaa goor dhaweyd waxey ku soo dhacday Garoonka Diyaaradaha Aadan Cadde ee Magaalada Muqdisho, waxaana la sheegayaa inuusan jirin khasaare balse uu burbur soo gaaray diyaarada…
Xogtaan aya tilmaamtay in diyaarada ayaa waxaa lasoo daristay cilad farsamo taasoo horseeday iney ka baxdo wadada diyaaradaha kadibna ay afka ku dhufato derbi ku dhow wadada, diyaaradaan ayaa ku sii jeeday magaalada B/weyne waxaana warar soo baxaya sheegayaan ineysan jirin khasaare nafeed marka laga reebo laba qof oo bed qaba oo laga soo badbaadiyay iyo burbur yar oo diyaarada soo gaaray
Maamulka Garoonka Diyaaradaha Aadan Cadde iyo Wasaarada Gaadiidka ayaan wali ka hadlin diyaaradan ku dhacday garoonka diyaaradaha Aadan Cadde, sidoo kale lama hayo faah faahinta diyaaradan iyo waliba cida iska laheyd.
