Macluumaad dheeraad ah ayaa laga helayaa dagaal ka dhex qarxay Kooxda Daacishta Somalia kaasoo la sheegay inuu ka dhacay degaanka buuraleeyda ee Cal-madaw ee gobolka Bari Puntland, kaasoo geystay khasaare nafeed oo soo kala gaaray dhinacyadaan….
Xogo sugan oo la soo gaarsiyay Warsidaha Diinah.com news ayaa sheegay in dagaalkaan kooxda uu ka bilaawday kadib markii lagu murmay cidda hogaamineyso Hogaanka kooxda, iyadoo Horjoogaha Kooxda Cabdulqaadir Muumin oo muddo dheer la jiifa Cudurka Macaanka (Diabetes) uu tabardareeyay.
Ugu yaraan saddex ruux oo ka tirsan labada Garab ee kooxda ayaa la xaqiijiyay inay ku dhinteen dagaalkii shalay galab ka dhacay Buuraleyda u dhexaysa Qandala iyo Dhaadaar, iyadoo deegaamo ka agdhow ku sugan ciidanka difaaca Dowlad goboleedka Puntland.
Dadka degaanka ayaa la sheegay in welwel iyo Cabsi soo food saartay gacan ka hadal kooxda u dhaxeeya, waxeyna qaarkood ay sheegeen in laga cabsi qabo inuu ku fido degaanada kale Ee ay ku sugan yihiin Maleeshiyaadka kooxda Daacishta Somalia.
