Dagaal beeleed Tiro Dad ah ku dhinteen ayaa ka dhacay Degaano ka tirsan Gobolka Mudug, iyadoo xaalad deganaasho ah aan caga badan ku taagneyn ayaa laga dareemaya inta u dhaxeysa Degaanada Jiicboor iyo Saax quran oo dhaca Galbeedka gobolkaasi..
Wararka ayaa sheegaya in Dirirtaani ay ku naf waayeen in ka badan 10 ruux oo isugu jira labada dhinac, tiro intaas ka badana ay ku dhaawacmeen, iyadoo Dhaawacyada la kala geeyay magaalooyin ku kala yaala deegaanada Galmudug iyo Puntland, dagaalkaan ayaa noqday muddo soo sanooyin dhacaayay Maamulada iyo Dowlada Federaalka ka gaabiyeen iney xaliyaan.
Goobahii shalay lagu dagaalamay ayaa sheegaya in wali labada dhinac isku hor fadhiyaan Degaanada ay ku dagaalameen, waxaana jirto cabsi laga qabo in marwalba uu dib u qarxo dagaalka, Dirirtaan labada maleeshiyo beeleed ayaa ah mid salka ku haya muran la xiriira cida maamuleysa Jiicboor oo ah haatan dhul abaar ah oo aysan ka muuqan nacfi lagu dagaalamo.
