Faahfaahin dheeraad ah ayaa laga helayaa falal burburin ah oo Maleeshiyaad ka tirsa Kooxda argagixisada Shababka ay qaraxyo miino ku burburiyeen dhismaha garoonka diyaaradaha degmada Buulo-burte oo dhowaan lagu sameeyey dib u dayactir balaaran…
Wararka ayaa sheegay in Garoonka oo dhimihiisa shalay lasoo gabagabeeyey ayaa gabi ahaanba la burburiyay, kadib markii ay Maleeshiyaad ka tirsan kooxda Shababka ku xireen qaraxyo nooca miinada ah, waxaana sidoo kale ka dhashay khasaare kale oo isugu jiro dhimash iyo dhaawac.
Qaraxyadaan ayaa si gaar ah Waxaa loogu bartilmaameedsaday qeybaha hubinta iyo sidoo kale qeybta sugida rakaabka diyaaradaha ee garoonka degmada Buula-burte, sida ay muujinayaan sawirro laga soo qaaday garoonka, kadib marka ay dhaceen qaraxyadaasi.
Inta la xaqiijiyey waxaa qaraxyadan ku dhintay ugu yaraan hal qof, halka ay ku dhaawacmeen saddex kale, sida ay sheegayaan ilo wareedyo lagu kalsoon-yahay, waxaa garoonka la burburiyey si wadajir ah uga howl-gala ciidamada dowladda iyo kuwa Jabuuti ee AMISOM, kuwaas oo durbaba howl-gallo ka bilaabay halkaasi.
