Share the post "Ma Dhabaa in Boliiska Mogadishu ay Xireen Tiro Wariyayaal & Muqaale Duube.."
Macluumaad dheeraad ah ayaa laga helayaa Howlgal ay fuliyeen koox ka tirsan Qeybta Baarista Dembiyada ee Hogaanka CID ayna xabsiga ku dhigeen Afar ka mid ah Shaqaalaha TV-ga Madaxabanaan ee 5 Somali TV, iyagoo laga kaxeystay xaruntooda oo ku taala degmada Hodan…
Wararka ayaa sheegaya in Saddex Wariye iyo hal Muqaal duube ayaa laga kaxeystay Xarunta Idaacada, waxaana hore loo sii qaatay Computero iyo Kaamiroyin, sida uu sheegay Agaasimaha TV-ga Fu’aad Xaaji Cabdi Wali, isagoo sidoo kale xaqiijiyay in Ciidamada Howlgalka fuliyay ay ka tirsan yihiin Hogaanka Baarista Dembiyada Boliiska.
Wararka ayaa intaasi kusii daraya in xarriga iyo weerarka xarunta ay ka danbeysay kadib markii baraha TV-ga lagu baahiyay magacyada 145 sarkaal oo Hogaanka Ciidamada Boliiska uu Baafin saaray, kadib markii ay kasoo carareen furimaha hore ee dagaalka ka dhanka ah Shabaabka, Hogaanka Boliiska ayaa ka carooday faafinta Warqadasn taasoo keentay iney xirxiran Shaqaalaha TV-ga.
