Share the post "Mas’uuliyiin Ka Kala Tirsan Maamulada Galmudug & Puntland Oo Heshiis.."
Wararka naga soo gaaraya Magaalada Gaalkacyo ee Gobolka Mudug ayaa sheegaya in Mas’uuliyiinta heer gobol ee Puntland iyo Galmudug, ayaa sida ay sheegeen ku guulaystay iney dib u celiyaan Geel ay kala haysteen xoola-dhaqato ka soo jeeda labada maamul…
Wararka ayaa sheegay in Mas’uuliyiinta labada dhinac ayaa sheegay in la wareejiyay 13-neef oo geel ah, oo ay kala haysteen xoola dhaqatada ka soo kala jeeda Galmudug iyo Puntland, Munaasabadda oo ka dhacday degaanka Godod bariga magaalada Gaalkacyo, waxa goob-joog ahaa Madax labada dhinac iyo Saraakiisha Amniga heer gobol.
Mas’uuliyiinta labada dhinac iyo Saraakiisha Amniga, ayaa adkeeyay muhiimadda ay leedahay nabadda iyo wada noolaanshiyaha dadka Gobolka Mudug ee oodwadaagtaa , waxaana ay dadka xoolo dhaqatadaa ugu baaqeen in ay nabada iyo Xasiloonid ilaaliyaan.
