Xoogaga Amaanka Degaanka Baxdo Oo Gacanta ku Dhigay Gaadiid Booyado ah & Sababta..

Wararka naga soo gaaraya Degaano hoostaga magaalada Baxdo ee Gobolka Galgaduud ayaa sheegaaya in Xoogaga Amaanka ee Maamulka Galmudug ay xalay gacanta ku dhigeen laba gaari oo siday Shidaal iyo agab kale oo lagu tuhmay in loo waday kooxda Argagixisada Shabaabka…

Wararka ayaa sheegaya in Labadaan Gaari iyo Shaqsiyaadkii waday in lagu qabtay Degaano hoostaga Magaalada Baxdo ee Gobolka Galgaduud waxaana loo gudbiyay Hey’adaga Amaanka ee Degmada Cadaado, iyadoo Baarayaashu ay xuseen iney wadaan Baaris la xiriirta labada boyadood Shidaalka u waday Kooxda Argagixisada.

Kooxdaan ayaa culeysyadii ugu adkaa kala kulmeysa Degaanada Galmudug, Ciidanka Xoogga dalka, kuwa Degaanka iyo Daraawiishta Galmudug ayaana ku guuleystay xakameynta dhaq dhaqaaq kasta ee ku wajahan Goobaha gabaadka ay ka dhigteen, iyadoo xiliyadaan dambe la qabtay gaadiid iyo agabyo kale ee kooxda loo waday.