Faahfaahin dheeraad ah ayaa laga helayaa howlgal ay xalay ka fuliyeen xeyndaabka Xaafadaha ku dhow Xarunta Madaxtooyada Villa Somalia, ayaa la sheegay in tiro badan oo Dad rayid ah ay ka soo afduubteen kuwaasoo la sheegay in lagu hayo dhisme ku yaal gudaha Madaxtooyada….
Howlgalkaan ayaa xalay saqdii dhexe bilaawday wuxuuna soo idlaaday saakay aroortii, waxaana la sheegay in Saakay aroortii hore Dadkaan la isugu geeyay Barxada Iskaashatooyinka Ee ka soo horjeeda dhismaha duuga ah ee Ex Fiore, iyadoo ay howlgalkaan ka qeyb qaateen Dhalinyaro afka u duuban yahay kuwaasoo far muuqaayay Dhalinyarada la soo qabtay.
Dhaqdhaqaaqaan Ciidamada Madaxtooyada ayaa ku beegmay, iyadoo xiliyadii ugu dambeeyay ay Caasimadda ka dhaceen falal ay ku kacaayeen Ciidamada Dharka cad Ee NISA kuwaasoo Afduubyo iyo dilal qorsheysan ka fuliyay qeybo ka tirsan Caasimadda, sidoo kale waxey dhaqdhaqaaq iyo fariisimo (Isbaarooyin dhigteen Degaanada ku dhow xeyndaabka garoonka diyaaradaha iyo Xarunta Xalane.
