Share the post "Is-Rasaaseyn Xalay ka Dhacday Magaalada Ceyrgaabo ee Gobolka Sanaag.."
Macluumaad hordhac ah ayaa laga helayaa Is-Rasaaseyn xalay dhex martay xoogag hubeysan oo daacad u kala ah Maamulada Somaliland iyo SSC/Khaatumo ku dhex-maray gudaha magaalada Ceyrigaabo ee Gobolka Sanaag ee waqooyiga Somalia, kaasoo ka dhashay khasaare…
Magaalada oo in muddo ah xiisado colaadeed ka taagneyd kadib markii tiro Dad Rayid ah oo ka soo kala jeeda Beelaha Dhulbahante iyo Warsangeli lagu dilay, isla markaasna ay horseeday in hub uruursi iyo qax baahsan laga dareemo magaalada, iyadoo Magaalada ay laba dhinac u kala qeybsan tahay.
Dadka Degaanka ah ayaa laga soo xigtay in labada dhinac uu iska hor imaad ku dhex-maray bartamaha Magaalada, mana cadda khasaaraha rasmiga ah ee ka dhashay dagaalkaasi, maadaama ay ahayd xilli habeen ah, Wararka ayaa sheegaya in saaka xaalad kacsanaan ah laga dareemayo magaaladaasi, isla markaana Xoogag hubeysan iyo Gaadiid dagaal ay gaareen halkaasi, taasoo cabsi ku abuurtay dadka Degaanka.
