Share the post "Dagaal Dhiig Badan ku Daatay Oo Maalintii 2-aad ka socda Degaanka Dacawaley…"
Faahfaahin dheeraad ah ayaa laga helayaa dagaal dhiig badan oo Soomaali ah ku daatay ayaa maalintii 2-aad ka socda degaanka (qabalaha) Dacawaley oo ka tirsan Degmada Xarshin ee Gobolka Faafan ee Dowlad Degaanka Soomaalida DDS ee Ethiopia..
Wararka ayaa sheegaya in dirirtaani ayaa qarxay kadib markii Dabley hubaysan oo ka soo jeeda Beesha Arab kana yimid dhinaca Degaanada Maamulka Somaliland ay weerar ku qaadeen Ciidamo ka tirsan Liyuu Boliiska Dowlad degaanka Soomaalida ee ku sugan qaballaha Dacawaley, iyadoo Dirirtaan ay sababtay dhimasho iyo Dhaawacyo kala heer ah oo soo kala gaaray dhinacyadii dagaalamay.
Wararka ayaa intaasi raacinaaya in Shaqaaqadani bilaabatay kadib markii dhawaan dabley hubaysan oo ka soo jeeda Somaliland ay dileen Madaxii Hogaanka Amniga Degmada Yoocaale oo ka tirsan Gobolka Jarar ee Dowlad degaanka Soomaalida ee Ethiopia, waxaana la sheegay in abaabulo iyo hub uruursi laga dareemay dhalinyarada Beelaha Ogaadeen iyo Isaaq.
