Faahfaahin dheeraad ah ayaa laga soo sheegaya Qarax is-miidaamin ah oo ka dhacay Bar-kontrol oo ay Joogeen Ciidamada huwanta (Daraawiishta Jubbaland, Danab iyo USA, Qaraxaan ayaa la sheegay inuu ka dhacay degaan ku dhow Magaalada Kismayo Ee Gobolka Jubbada hoose….
Wararka hordhaca ah ayaa sheegaya, Gaari Xamuul ah oo laga soo buuxiyay walxaha qarxa ayaa lagu weeraray bar kontrol oo ay ku sugnaayeen Ciidamada Daraawiishta, kuwo Danab iyo Ciidamada USA, waxaa la xaqiijiyay iney ku dhinteen 2- askari oo ka tirsan Ururka Danab, halka Askari ka tirsan Ciidamada Mareykanka uu ka soo gaaray dhaawac culus iyo tiro aan la cayimin oo Ciidamada Daraawiishta Jubbaland.
Afhayeen u hadlay Maleeshiyaadka Shababka ayaa sheegay iney khasaare xoogan ay gaarsiiyeen Ciidamo ku signaal Degaanka Janaay Cabdalla oo 60-KM u jirta Magaalada Kismayo Ee Gobolka Jubada hoose.
Degaanka Janaay Cabdalla oo u dhaxeysa degmada Kismaayo iyo Afmadow, ayaa u aheyd goob ay canshuurta baada ku qaadaan Kooxda Shababka Gaadiidka Xamuulka, waxeyna ka heli jireen dakhli maaliyadeed oo. ay ku maalgeliyaan dagaalada iyo maleeshiyaadka, waxaana laga saaray dhowaan fariisinkaasi.
