”Farmaajo & Fahad ayaa Iibsadey Carruurteena Waxaana u geeyey Qoorqoor”

Wararka hordhaca ah ee naga soo gaaraya Konfurta Magaalada Gaalkacyo Ee Gobolka Mudug ayaa sheegaya in maanta uu ka dhacay banaanbax ay dhigayeen qaar kamid ah Hooyooyinka iyo Waalidiinta ku nool Magaalada, inkastoo Xoogaga Amaanka ay rasaas ku kala eryey banaanbaxayaasha…

Dadka banaanbaxa dhigayay oo u badnaa Hooyooyin sheegay in Carruutooda Hogaanka Federaalka iyo kan NISA ay tababar Ciidan ugu qaaday dalka Eritrea, iyagoo sheegay in Carruurtooda ay nolol iyo geeri midna ku aheyn, isla markaana ay iibsadeen Madaxweyne Farmaajo iyo Fahad Yaasiin.

Banaanbaxayaasha ayaa taayaro ku gubay laamiga Magalada Gaalkacyo,  iyagoo ka dalbaday Madaxda Dowladda iyo Madaxda Dowlad Goboleedka Galmudug inay Carruurtooda tababarka loo qaaday ay meel ku sheegaan, iyagoona sheegay qaadashada carruurtooyada loo adeegsadey Qoorqoor iyo Cabdi Qeybdiid.

https://www.facebook.com/562579478/posts/10159283352859479/?

Dhanka kalena, waxaa goobta soo gaarey ciidamo katirsan booliska maamulka Galmudug oo rasaas ku kala cayriyey hooyooyinka iyo dadka kale ee mudaharaadka dhigayey, waxaana ay u sheegeen in haddii ay isu soo laabtaan xabsiga loo taxaabi doono.