Faahfaahin dheeraad ah ah ayaa laga soo sheegayaa Weerar (Bam-gacmeed) lagu qaaday Ciidamo ka tirsan Maamulka Waqooyiga Magaalada Gaalkacyo (Puntland), kaasoo ka dhashay khasaare isugu jira dhimasho iyo dhaawac…
Wararka Ayaa sheegay in Qaraxaan oo la sheegay inuu ahaa mid gacanta laga tuuray ayaa waxa uu ka dhacay meel u dhow maqaayada lagu magacaabo (Caways) oo ku taala Ex- xero Daraawiish, halkaasoo ay ku sugnaayeen ciidamo ka qayb qaadanayey sugidda ammaanka magaaladda Galkacyo.
Inta la xaqiijiyey hal qof ayaa ku geeriyoodey qaraxaasi iyadoo ay dhaawacyo fudud ka soo gaareen labo kamid ah Ciidamada ammaanka Puntland, inkastoo aysan saraakiisha Amaanku faahfaahin ka bixin qaabka ay wax u dheceen.
Saraakiishu Amaanka ayaa waxay sheegeen, in Qaraxaas kadib gacanta lagu dhigay ilaa saddex Eedeysane oo lagu tuhunsan yahay iney ka dambeeyeen BAM-gacmeedka, islamarkaana ay haatan baaritaan ku wadaan shakhsiyaadkaas.
