Share the post "Dagaal Beeleed Dhiig Badan Ku Daatay oo ka Dhacay Degaano ka tirsan Hirshebelle.."
Macluumaad dheeraad ah ayaa laga helayaa Dagaal Beeleed dhiig badan ku daatay kaasoo dhacay shalay galinkii dambe una dhaxeeya Beelaha Abgaal & Xawaadle kuwaasoo wada degaan xadka u dhaxeeya Gobolada Hiiraan iyo Shabeeleda dhexe kaasoo ka dhashay khasaare dhimasho iyo dhaawacyo kala heer ah…
Wararka ayaa sheegaya in Dagaalkani uu ka dhacay Degaanka Ceeldheere oo dhaca xadka labadaani Gobol ee kor ku xusan, inta la xaqiijiyay waxaa ku dhintay ilaa 6-Qof oo isugu jira labada dhinac, islamarkaana ay ku dhaawacmeen Dad kor u dhaafaya 10-Qof oo kale, iyadoo Maanta ay weli xaaladu kacsan tahay.
Maadama ay wali is hor-fadhiyaana Maleeshiyaadka Labada Beelood ayna wadaan dhaqdhaqaaqyo xoog leh oo iska soo horjeedo, Dagaalkaan dib uga dhex qarxay labadaan beelood ayaa kusoo aadaya, iyadoo maalmahii lasoo dhaafay ay socdeen dadaalo nabadeed oo lagu doonayay in lagu qaboojiyo xiisada beelahaan taaso noqotay mid guul darreystay.
