Faahfaahin dheeraad ah ayaa laga helayaa Dagaal la isku adeegsaday hubka noocyadiisa kala duwan ayaa ka qarxay Degaanka Dhurwaa-dheere oo qiyaastii magaalada Guriceel u jirta 85 Km dirirtaan ayaa la sheegay inuu u dhaxeeyo Beelaha Mareexaan iyo Cayr…
Wararka hordhaca ah ayaa sheegaya in dagaalkaan oo bilaawday saakay aroortii ayaa waxaa ka dhashay khasaare isugu jira dhimashada iyo dhaawac soo kala gaartay labadii dhinac oo halka isku dagaalay.
Goob jooge ku sugan Dhurwaa_Dheere oo aan kula xariiray qadka telefoonka ayaa ii sheegay in uu arkay 5 qofood meykood iyo 4 qofood oo dhawaaca kuwaas oo ay ka carareen beesha Mareexaan oo dagaalka soo qaaday, dhinaca kale khasaare soo gaaray beesha Cayr ayaa lagu sheegay 3 qof oo dhaawaca, Waxaa socda Gurmad farabadan oo ka kala baxay Magaalooyinka Guriceel iyo Dhuusamareeb kuwaa oo ku sii socda degaanka Dhurwaa dheere.
Dhanka Kale Waxaa gurmad uu ka baxay caabudwaaq uu gaaray Dhurwaa-dheere kuwaa oo ka baxay Degmooyinka Caabudwaaq iyo Balanbale gurmadka deegaanadaas ka baxaa ayaa la sheegay in eey qeyb ka yihiin Baabuur ay ku buufisan tahay Astaanta Ciidamada Xoogga Dalka.
