Maxaa Hortaagan In Dib U Habeyn Lagu Sameeyo Hanaanka Federaalynta Ee Somalia

Iyadoo uu dhamaad ku dhow yahay hirgelinta Xulashada dadban ee Dalka ka socota, isla markaasna aad loo saluugay qaabka loo maareeyay Howsha boobka & Musuqa ku dhisan ee Doorashada, ayaa Dad badani waxey aamisan yihiin in la gaaray xiligii laga doodi lahaa Nooca Dowladnimo iyo dib u habeynta nidaamka Federaaleynta ee Dalka…

Dhismaha Maamulka Dowlad wanaaga ku dhisan, iyagoo laga soo bilaabaayo gunta hoose (Degmada & Waaxyaheeda) waa iney Shacbigu si toos ah u doortaan, iyagoo laga fogaanaayo in wixii ka dhacay xulashada dadban ee boobka ku dhisan lana xaqiijinayaa in si demuqaraad ah ay u kacaan Doorashada.

Dib u habeynta xafiisyada & Shaqaalaha Dowlada, waxaana lama huraan ah in la siyaasadeeyo Xafiisyada Dowlada lana qorto Kaadiriin judbeysan kuwasoo tacadiyo & awood sheegasho kula kaca Muwaadiniinta ka afkaarta duwan, lana helo xadidaad Dastuuri ah tirada magacaabista siyaasadeed ee Wasaarad & Wakaalad kasta loo oggol yahay.

Afhayeenada lagu qoro inuu aad u taageersan yahay Maamulka xiligaas jira, waan la baabiyaa lana dhisnaa in Wasaarad kasta ay yeelato Afhayeen u gaar ah, sidoo kale Madaxtooyada waa in loo dhisaa Xafiis Isgaarsiineed oo u gaar ah, Idaacadaha & Tv-da Dowlada waa in loo dhisaa Guddi ka Madax banaan Wasaarada & Xafiisyada Madaxweynaha Wasiirka 1-aad.

Dowladda Federaalka & Maamulada Gobolada waxaa lama huraan ah iney yeeshaan Nidaam Biometric ah lana dhisaa Hey’ad u madax banaan socodsiinta Barnaamijka Biometrics ah lana gaarsiiyaa ilaa gobolada & Degmooyinka, in la baabiyo Talisyada Boliiska & NISA lana dhiso Xafiisyo Boliis/NISA oo degaan leeyahay xiriir wada shaqeyn la leh kan Federaalka.