Share the post "Qarax Miino oo ka Dhacay Duleedka Degmada Afgooye & Khasaare ka Dhashay.."
Faahfaahin dheeraad ah ayaa laga helayaa qarax Miino oo lagu weeraray Gaari nooca loo yaqaano Probox oo ka baxay Magaalada Muqdisho, kaasoo ka dhacay duleedka Degmada Afgooye ee Gobolka Shabeeleda hoose kana dhashay khasaare isugu jira Dhimasho iyo Dhaawacyo…
Wararka ayaa sheegaya in Gaarigaan oo ay saarnaayeen ilaa 7-Qof oo Rakaab ah, wuxuuna ku sii jeeday Degmada Wanle-weyn, iyadoo miino wadada dhinaceeda lagu aasay waxay kula kacday Degaanka Doonka ee duleedka degmada Afgooye, waxaana la sheegay in 4-Qof oo ka mid ahaa Dadkii Rayidka ahaa ee la socday gaarigan ayaa la xaqiijiyey iney ku naf waayeen qaraxaasi.
Halka 3-Kale ay dhaawacyo kala heer ah soo gaareen kuwaasoo loo soo qaaday Isbitaalada Magaalada Muqdisho, Goobtan ayaa waxaa horey uga dhacay qaraxyo badan oo dhimasho iyo dhaawac u geystay Dadka shacab ah iyo Ciidamo ka tirsan ciidamada DF oo wadadaas ku safrayey, inkastoo aysan jirin koox sheegatay qaraxaan haddana kooxda Argagixisada Shababka ayaa looga bartay qaraxyada noocan ah ay geliyaan hareeraha Wadooyinka.
